Distensibility of the pulmonary arterial vessels at rest and during exercise in patients with mitral stenosis

Esseva demonstrate que un reduction del distensibilitate del arbore de arterias pulmonar occurre durante exercitio in patientes con stenosis mitral. Iste alteration del proprietates elastic del pariete vascular accompaniava le augmento del pression pulmono-arterial median que occurreva durante exercitio in le patientes studiate e explicava le observation que le pression de pulso pulmonoarterial se augmentava durante le exercitio ben que le volumine per pulso se habeva reducite. Un quantitation approximative de iste proprietate physic esseva essayate per le calculation de un coefficiente de elasticitate del volumine. Le reduction del distensibilitate es considerate como un consequentia passive de un augmento del volumine pulmono-arterial e del diametro vascular. Iste explication esserea de accordo con le cognoscite responsa elastic de vasos sanguinee a tension o distension. Proque le reducite distensibilitate vascular resulta in un plus alte pression systolic con non-alterate nivellos de volumine per pulso, rapiditate cardiac, etc., le labor requirite ab le ventriculo dextere pro extender le pariete arterial in le mesura correspondente al augmentate volumine per pulso es plus grande que si le distensibilitate non habeva essite alterate durante le exercitio.